معا ننظف بيتنا
صفحة 1 من اصل 1
معا ننظف بيتنا
كل يوووووووم مع بعض بننضف
وعايزين بيتنا يكون ماشاء الله بينور كده من كتر النظافه
النهارده أول يوم بإذن الله
هنعمل ايه يا حلوين ؟؟
هنشغل سورة البقرة فى البيت
ده بقى أساسى معانا كل يوم
أخذها بركة وتركها حسرة
أول حاجة ودى الأساسية هنكنس أرضية الشقه كلها السجاجيد بالمكنسة الكهربا والبلاط بالمقشة
واحده هتقولى يا لهوووووووى الشقه كلها ؟؟؟
هقولها كبيرها أوى معاكى نص ساعه أو ساعه بالكتير وتكون الأرضيات كلها مكنوسه
وهتحسى ان معنوياتك مرتفعه كده اوعى وشك يعنى
تانى حاجة بقى يا قمرات
هنعدى على الشقه سريعااااااااا جداً جداً
ننظفها من على الوش يعنى ايه ؟؟
احنا لو بدأنا بحاجة لوحدها ننظفها اوى أوى وبقية الشقه شكلها مكركب مش هنبقى مبسوطين
فهناخد لفه كده سريعه النهارده تدخلى كل أوضه عندك
تلقى عليها نظره سريعه تشيلى الكراكيب اللى ملهاش
لزمة او الشنط الزياده او غيره بحيث ان المكان يبقى مجرد شكله
مساوى بس يعنى ميجبش احباط يعنى هنطبق نظرية ايه ؟؟
( من بره هالا هالاه ومن جوه يعلم الله )
النظريه دى لمدة يوم واحد فقط قبل ما ندخل فى الغريق هههههههههههه
يهمنى ان انا أبص على المكان الاقى الدنيا مترتبه من على
الوش فتدينى أمل فى الحياة
وبس كده
تنظيف الوجهات
أولاً : غسل جميع شبابيك البيت سواء ألوميتال أو شيش أو اى حاجة
اللى نقدر ننزله ونغسله كويس ويبقى زى الفل تمام جداً واللى متقدرش نحاول
نغسله فى مكانه المهم الشبابيك كلها بإذن الله تتعمل وتتنشف وتتركب .
ثانياً : تنضيف جميع أبواب البيت ( باب الشقه - أبواب الأوض - باب الحمام والمطبخ وكل الأبواب اللى موجوده )
هنعمل ايه ؟؟
هنمسح بقماشه ناشفه علشان لو فيه أى تراب ميلحوسش واحنا بنغسل و بعدين ندعك بالليفه وأى منظف عندنا حتى لو صابون سايل ندعك الباب كله يبقى زى الفل ونشطف بالمايه
وننشف بقماشه نضيفه ( ده ضرووووووورى جداً ) بعد ما تخلصى الباب يكون بيبرق كده لو لقيتى أى حاجة تانى عليه
حتى لو نقطه متسيبهاش ادعكيها تانى بالليفه واشطفيها ونشفيها .
ثالثا وأخيراً : هندخل المطبخ لو فى أى حاجة على الرخامات نشيلها نحطها مكانها برطامنات أو غيره
نرتب كل حاجة فى مكانها ونغسل الرخامه ميبقاش عليها الهوا وننشفها برضو
تانى حاجة فى المطبخ نشيل برضووووووو أى حاجة فى الأرض ونكنس ونمسح الأرضيه بالشرشوبه .
يبقى كده الملخص يا قمرات ( شبابيك - أبواب - أرضية المطبخ والرخامه )
مفيش أسهههههههل من كده
اميرة المنتدى شذى- Admin
- 634
تاريخ التسجيل : 07/08/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى