تركيب المشمع في المطبخ

[بيتى حياتى]

[size=32]الطريقه اللى بلزق بيها المشمع علي جدران المطبخ
ودى الطريقه بالتفصيل والصور وعلي فكره الصور دى من ست شهور اما الصور النهائيه حديثه لسه مصوراها النهارده علشان اللى بيسالوا بيعيش ولا لا وعلشان وموضوع حراره البوتجاز وزى ما هتشوفوا الصور هتلاقوه زى الجديد بالضبط
خليكم مع الصور
اول حاجه دا المشمع وبيجى بالمتر المتر عرضه متر ونص وبيبقي علي هيئه رولات طويله سعره 3 ج او 5 او 7 ده ابو 3 لانى مش محتاجه التقل في حاجه وكدا كدا بغيره كل فتره وعلي فكره ده نفس المشمع اللى بقصه وبفرشه في الثلاجه

هنا تنيته اتنين يعنى عرض الواحد 75 سم علشان انا عايزاه في الجزء اللى وسط قطعتين المطبخ ممكن تعمليه كله وينزل معاكى للارض براحتك


ده اللزق اللى استخدمته بيجى من عند محل البويات الكيس ب5ج بيكفي كتير جدا قوليله عايزه لزق ورق الحائط
هتاخدى منه حبه بسيط لانه بيزيد وتعجنيه بماء دافئ بيبقي زى المهلبيه


هنا استخدمت فرشاه ودهنت بيه الجزء اللي هغطيه علي فكره دى ايد جوزى حبيبي كان بيساعدنى ربنا يخليهولى ويشفيه
والبقع اللى علي الحيطه دى مكان الورق القديم هو مبيسبش اثر بس انا المطبخ عندى كان دهانه مطفي علشان كدا بقع من اللزق لكن البلاستيك العادى مبيبقعش

دا شكله النهائي





وهنا استغليت الجزء ده وعملت السلات دى بحط فيها البصل والبطاطس والبرتقال علشان معنديش مكان للتربو وملقتش سلات فوشيا ان شاء الله هبقي اغلفها بخيش فوشيا وازينها وكمان عملت حامل للفويل وبلاستيك التغليف علشان اسهل استخدامهم وكمان مكنش ليهم مكان

في النهايه
اتمنى موضوعي يعجبكم
وتستفيدوا منه [/size]

[بيتى حياتى]

عملت نيو لوك لمطبخى
انا غيرت حاجات كتير في شقتى
علشان انا بمل بسرعه وبحب التجديد

ونقدر بحاجات بسيطه نبسط نفسنا
ونعمل روح جديده في البيت

انا بحب المطبخ جدا جدا
وبقضي فيه معظم وقتى
علشان كدا بحب كل فتره
اغير شكله واعمل لوك جديد
شقتى صغيره
وانا بحاول اتاقلم مع مساحتها
بحيث اقدر احط فيها كل احتياجاتى
ويبقي شكلها منظم وجميل
غيرت لونه خالص وخليته مودرن خالص اصلي بحب الالوان القويه اوى وعملته فوشيا واخضر تفاحى

طبعا انا كنت محتاجه لون يليق على الفوشيا لون الحيطان ودورت في دايره الالوان لقيت الاصفر والاخضر التفاحى قولت الاخضر هيبقي تحفه ومطرقع
كنت هعمله لاكيه وبعدين قولت التجليد هيبقي اسهل واشيك
وده شكله بعد اللوك الجديد
قولوا ماشاء الل

[بيتى حياتى]

ودى باقي

الصور



هنا وانتى داخله المطبخ







انا معنديش مكان للتربو علقت السلات
دى على الحيطه هنا واستغليت المكان



وهنا عملت رف حطيت عليه طقم التوابل
وطبعا جبته ليمونى علشان يليق على اللون
الجديد





ده طقم التوابل من قريب


ده الجنب التانى










وهنا عملت رفوف للفود بروسيسور والكاتل
وحامل للفويل وبلاستيك التغليف






وده بقي طقم الاطباق الجديد علشان
يمشي مع اللوك الجديد

[بيتى حياتى]

والجنب ده كان كدا مش عاجبنى خالص فغيرته وبقي كدا
تابعونى هنزل باقي الصور وطريقه التنفيذ


[b]دا الركن اللى عند الحوض بعد تغيره
عملت ستاره رقيقه وغيرت الجلاد اللى على الحيطه
واخيرا شكله بقي مريح بالنسبالي
[/b]
اضغطي هنا لمشاهدة الصورة بحجمها الأصلي

اضغطي هنا لمشاهدة الصورة بحجمها الأصلي



اضغطي هنا لمشاهدة الصورة بحجمها الأصلي


اضغطي هنا لمشاهدة الصورة بحجمها الأصلي

اضغطي هنا لمشاهدة الصورة بحجمها الأصلي

اضغطي هنا لمشاهدة الصورة بحجمها الأصلي
ايه رايكم بتهيالى كدا بقي اجمل

هنا حامل الفويل نفس فكره الماسوره اللى بنعلق عليها الستاره

اضغطي هنا لمشاهدة الصورة بحجمها الأصلي

اضغطي هنا لمشاهدة الصورة بحجمها الأصلي
ده الستاره كنت جايبه قماش ملايات ودى فاضت منه
لقيتها لايقه اوى على المطبخ ولسه باذن الله هعمل منها
كيس للانبوبه ومساكات للمطبخ
ديكور بس


اضغطي هنا لمشاهدة الصورة بحجمها الأصلي
دى طريقه تركيب الرف والحوامل
بستخدم القطع دى بثبتها بمسامير وخوابير وطبعا
بخرم بالشنيور



وبعدين بثبت فيها القطعه دى


وبعمل زيها على الجنب التانى ودا بيبقي حامل بيشيل الرف
الرف
عملته ازاااااااااااااااااااااااا
طبعا طقم التوابل مستطيل وكبير وصعب يتشال على حامل استيل عادى
فكرت اعمله رف طويل واغلفه بنفس تغليف المطبخ
وخدت مله من السرير


الحاجه ام الاختراع
بس الجلاد منفعش يركب عليها لانها مش ملساء فغلفتها
بسلوتيب عريض وبعدين جلدتها
وبقي ده شكل الرف






فكرت اعمل حامل الفويل تحته بس معجبنيش وفكيته

اما عن لون المطبخ
انا استخدمت تجليد المتر منه ب25ج بس بيكون عرضه متر وربع
وفي عرضه متر ب20ج بس
وفي منه الرفيع اللى اشكاله خشبيه بس معجبنيش
وبيبقي المتر منه ب5ج
وده شكله




وهو استيكر ذاتى اللزق وخامته ممكن تتغسل بسهوله


طريقه التركيب

دى الدرفه خلعتها وفكيت المقابض

[بيتى حياتى]

الاول كنت هقصه قطع واركبه بالطريقه دى بس لقيتها مش عمليه
وهتفك بسهوله



وابتديت الزقه كدا


وكان جميل بس مش عملى
وكمان كان شكله خشب لكن بالطريقه التانيه
شكله بقي مدى على الومنتال ده ضهر الورق
بقيت افرده واحط عليه الضرفه واخد المقاسات وازود
كام سم علشان يلف معايا على الجنبين






وابتديت الزق حته حته وافرغ الهوا وانا بشتغل








كان في ضرف زجاج غطيتها كنت عايزه ادى لوك
يشبه الالوميتال






وكملت الباقي بنفس الطريقه
تابعوا معايا عمل الستاره

دى القماشه وخدت طول وعرض الشباك وزودت
شويه في الطول وضاعفت العرض علشان
الكشكشه




وقصيت شريط بنفس عرض الستاره
وخليته رفيع عرضه 30 سم بس



وخيطته في القماشه اللى فاتت بحيث يبقي وش القماشه
لفوق ووش الشريط كمان لفوق لما اقلب الخياطه
انا حاولت اوضح بالصور
بس الفكره بسيطه جدا وسهله التنفيذ








ومن فوق سبت 3 سم وعيدت عليها خياطه من بره
ودككتها بحبل احمر
ودقيت مسمارين وربط فيه الحبل
مكنش ينفع اعمل ماسوره علشان المكان تحته سلوك كهربا
جوا الحيطه ومينفعش استخدم الشنيور
وده شكلها النهائي