ياعزيزى كلنا فلول
منتدى حبيبتى الاميرة :: ~¤¢§{(¯´°•. الأقسام العامة.•°`¯)}§¢¤~ :: ♥♫♥ ♥♫♥ منتدى قلم الاميرة السياسى ♥♫♥ ♥♫♥
ياعزيزى كلنا فلول
و لقيت بعد كده أنها تطلق على كل من كان له علاقه بالنظام السابق فأصبح الراجل فل (بكسر الفاء) .. و الست فله ... و جمعهم فلول
و مرت الايام و وانا بسمع كلمة فلول دى كل ما مصيبه تحصل ... يقولك أصلهم فلول
لدرجه أنى بطلت أكل الفلول و الطعميه من كتر ما بسمع الكلمه
و استمرت الأحداث من 25 يناير الى أن أطاح المجلس العسكرى بوزارة عصام شرف ... و نصب الجنزورى رئيس وزراء
بدات أسمع الكلمه بشكل مختلف
و بدأت لا أستوعبها
و بدات علامات الاستفهام تتنطط أمام وجهى
و بدأ الرفض لشخص الجنزورى
و صاحبت كلمة فلول كلمة أخرى
محسوب على النظام السابق
هنا بصراحه توقفت علشان أخد وأدى مع نفسى شويه
وجدت أننا بصراحه كلنا فلول
والوحيد اللى مش فلول ... طفل عمره 10 أشهر ... و متسجل فى السجل المدنى بعد يوم 11 فبراير
لازم نسلم اننا كلنا من الفلول ... ليه ؟؟؟؟
لأننا عشنا فى عصر مبارك
و درسنا فى مدارس تنتمى الى نظام مبارك
و اتخرجنا من كليات لها عمداء عصر مبارك
و رؤساء جامعات عصر مبارك
و طبق علينا قوانين مبارك
و قوانين الست المدام
و طول ما انت ماشى تلاقى صورة النبى حارسه
و كنا ساكتين و مطأطأين راسنا
و ساعات كمان كان فينا اللى له واسطه من الناس الكبارات اللى فى طره دلوقتى و كنا بنتباهى بيها
بقى دلوقتى بنقول الجنزورى فلول و محسوب على النظام السابق ؟؟؟؟
المحسوب ده فى نظرى اللى يكون تربح من النظام
يكون استغل سلطته
يكون زى الغنم اللى حواليه .... بتوع حاضر يا ريس ... اوامرك يا ريس
لكن مش اللى حارب النظام ... و اضطهده النظام
و بعدين اذا كانت الحكايه كده ... رضيتوا ليه بحكم المجلس العسكرى من الأول فى الفتره الانتقاليه ؟؟؟
مش ده فلول برضه ؟؟؟
أنا يا جماعه بصراحه شايفه ناس بناقض نفسها
عايزة و مش عايزة
فاتحه بقها بكلمة لأ و مش عايزة تقفله
كنتوا فين 30 سنه ياللى بتقولوا لكل حاجه لأ ؟؟؟
كنتوا ساكتين ليه ... و لا هى الحريه انى أقول لأ علطول؟؟؟
لا دى شطاره
و لا دى ثورة مضبوطه
و لا دى قوة شخصيه
قول لأ و اقبل وجهات النظر الأخرى
بلاش علطول نتصف بالهمجيه حتى فى صناعه تاريخنا
و خلينا نبص لبعيد شويه بدل ما نبص لتحل رجلينا
و بلاش كل كارثه تحصل ... نقول بدون تفكير ... فلول
القلب الطيب- العضو المميز
- 29
تاريخ التسجيل : 03/09/2010
منتدى حبيبتى الاميرة :: ~¤¢§{(¯´°•. الأقسام العامة.•°`¯)}§¢¤~ :: ♥♫♥ ♥♫♥ منتدى قلم الاميرة السياسى ♥♫♥ ♥♫♥