فطير مشلتت
منتدى حبيبتى الاميرة :: ~¤¢§{(¯´°•. الاقسام الاجتماعيه .•°`¯)}§¢¤~ :: ♥♫♥ منتدى الاكلات العربيه والمطبخ ♥♫♥
صفحة 1 من اصل 1
فطير مشلتت
من طرف الاميرة شيماء الثلاثاء يناير 10, 2017 4:07 pm
المقادير / نص كيلو دقيق / م ك سكر / نص م ص ملح /
سمنه او زبدة / ماء دافى للعجن /
كل المكونات علي بعضها
ونعجن كويس مش اقل من عشر دقائق
النص كيلو دقيق على فكرة بيعمل فطيرتين كبار
هنعجن الدقيق بعد اضافة ذرة ملح بالماء عادى
خالص لحد ماتبقى عجينة ماتلزقش فى الايد
ونقسمها لعجنتين
ونضع عليها قليل من الزيت
وتترك لترتاح مش اقل من ربع ساعه
نفردها علي شكل مستطيل ونفرد عليها الزبده ومقدار الزبده حوالي 150 جرام الزبده تكون بحراره المطبخ مش سايحه
بعد كده تلفيها رووووول وتقطعيها المقاس التحبيه
انا بحب الفطير الصغير فقطعتها 10 قطع
ندهن القطع زيت ونلفها فبلاستك وندخلها التلاجه حوالي نص ساعه
فلمرحله دي بنستخدم الزيت للفرد
نفردها مربع وبعد كده نطبقها ذي الظرف وبعد كده نكورها والصور شرحه بالتفصيل
بنسبها ترتاح تاني مش اقل من نص ساعه فلتلاجه
ونفرد ونسوي علي طول
انا سويته فطاصه تيفال وطلع ما شاء الله طرييييييييييييييي ورائع سخنت الطاصه كويس جدا جدا
بدون اي ماده دهنيه ونزلت عليها بالفطيره
وهديت النار لحد متاخد اللون الدهبي اقلبها لي الوش التاني والصور شرحه بالتفصيل
فطير المخابز واحلي كمان ان شاء الله ومن غير فرن سويته علي البوتجاز من فوق خطوه خطوه البوم كامل
الاميرة شيماء- Admin
-
392
تاريخ التسجيل : 02/03/2011
رد: فطير مشلتت
من طرف الاميرة شيماء الثلاثاء يناير 10, 2017 4:10 pm
لمقادير
نص كيلو دقيق
سمنه او زبدة
ذره ملح
ماء دافى للعجن
معلقتين كبار سكر
النص كيلو دقيق على فكرة بيعمل فطيرتين كبار
هنعجن الدقيق بعد اضافة ذرة ملح بالماء عادى خالص لحد ماتبقى عجينة ماتلزقش فى الايد ونقسمها لعجنتين
هنيجى على تربيزة كبيرة ونرش شوية زيت ونفرد عليها العجينة بالنشابة
هنفرد لحد مايبقى راق شفاف زى كدة شايفين
هنكون مسيحين السمنه وحطين عليها معلقتين السكر بيظبط الطعم جدا
ماتخفوش مش هيبقى عامل زى الفطير اللى بالسكر لا هيبقى طعمه جميل
وياسلام لو حطتوا على السمنه رائحه سمن بلدى
المهم هنرش السمنه على العجينة كدة
بعد كدة هنيجى لمرحلة لم العجينة وهى سهلة بصوا كدة
بعد كدة هنجيب صينية مدروة او طبق مدور ونحط عليها العجينة ونظبط فيها بحيث تأخد الشكل المدور
هنجيب بقى طاسه تيفال ونحط فيه سمنه عشان نسوى الفطير على شعلة متوسطة وتفضلوا واقفين جنب الفطير هو مش بيأخد وقت (معلش ماصورتش الخطوة دى)
وادى الفطير بعد ماطلع
ها ايه رأيكم
ياريت بعد ماتخلصى تدخليه جوه كيس وتقفلى كويس عشان يبقى طرى
يارب يكون عجبكم
الاميرة شيماء- Admin
- 392
تاريخ التسجيل : 02/03/2011
رد: فطير مشلتت
من طرف الاميرة شيماء الثلاثاء يناير 10, 2017 4:29 pm
المقادير:
دقيق
معلقه صغيره ملح
ماء للعجن
مافيش ابسط من كده
وطبعا سمنه حلوه كده لزوم الطبقات بتاعت الفطيييير
ندخل فى الخطوات
نعجن كل المقادير حتى الحصول على عجينه لينه وطريه اووووى بس ماتلزقش فى الايد ونعجنها حلووو
عشان لما نفردها ماتتقطعش مننا زى كده
وبعد كده اقطعها كور صغيره وده لان المساحه اللى انا بفرد عليها مش كبيره صغيره واضعها فى وعاء مدهون بالزيت زى كده
وسيبيها تريح على الاقل نصف ساعه ونعرف ان هى بقيت خلاص جاهزه على الفرد لما نغرز صباعنا فيها والعجينه ماتردهاش تانى زى الصوره ديه
وبعد كده ماخد كوره ونفردا بالنشابه لحد ماتبقى زى ورقه السيجاره رفيعه جداااااا وشفافاه وندهنها سمنه ونقفلها مربع زى الصور
وطبعا فردت الكوره وادهنها بالسمنه وبعد كده احط اللى انا مطبقاها من قبل كده جواها وبعد كدها اقفلها لحد ماخلصت كل الكور احطها فى الصينيه واسيبها شويه تريح وبعد كده افردها فى الصينيه والصور هتوضح اكتر
وبعد كده ادخلها الفرن واكون مشغله الفرن من قبل كده على درجة من 180الى 200درجه ومشغله مع الفرن الشوايه وهى بتستوى هتلاحظو انها بتتنفخ زى عجينه الباف بسترى وده طبعا بفضل السمنه اللى جوه الفطيره فبتخليها تعمل طبقات وتتنفخ وده شكلها بعد ما استوت
الاميرة شيماء- Admin
- 392
تاريخ التسجيل : 02/03/2011
منتدى حبيبتى الاميرة :: ~¤¢§{(¯´°•. الاقسام الاجتماعيه .•°`¯)}§¢¤~ :: ♥♫♥ منتدى الاكلات العربيه والمطبخ ♥♫♥
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى